अन्नविषबाधा ज्या जंतूंपासून होते, त्या जंतूंना प्रभावीपणे  प्रतिबंध करणारा एक घटक  लसणामध्ये शास्त्रज्ञांना आढळला असून विशेष म्हणजे  विषबाधेवर वापरल्या जाणाऱ्या दोन प्रसिध्द अ‍ॅण्टिबायोटिक्स औषधांच्या तुलनेत लसणातील हा घटक १०० पटींनी अधिक गुणकारी असल्याचे शास्त्रज्ञांनी म्हटले आहे.                 ‘डायलिल सल्फाइड ’ नावाचा हा घटक शरीरातील जंतूंचा प्रभावीपणे प्रतिकार करतो. एरिथ्रोमायसीन आणि सिप्रोफ्लोक्सेसीन  या दोन प्रभावी अ‍ॅण्टिबायोटिक्स औषधांपेक्षा शतपटींनी अधिक गुणकारी  असलेल्या  ‘ डायलिल सल्फाइड ’ या  घटकाचा परिणामही अत्यंत कमी वेळात होतो असे  चांचण्या घेण्यात आल्यानंतर ‘वॉशिंग्टन स्टेट युनिव्हर्सिटीतील संशोधकांना आढळून  आले.

स्टॉकहोम इस्रायलचे शास्त्रज्ञ डॅनिएल शेक्टमान यांना 2011 वर्षाचे रसायनशास्त्राचे नोबेल पारितोषिक जाहीर झालं आहे. शेक्टमान यांनी १९८२ साली केलेल्या संशोधनामुळे रसायनशास्त्रज्ञांचा घनरूप पदार्थामधील द्रव्याकडे पाहण्याचा दृष्टिकोन बदलला होता. याची पोचपावती म्हणून त्यांना हा सर्वोच्च बहुमान प्रदान करण्यात आला. अशक्य समजल्या जाणा-या मोझेकसारख्या रासायनिक संरचना असलेल्या क्वासिक्रिस्टल च्या शोधाबद्दल शेक्टमान यांना नोबेल पारितोषिक देण्यात येत असल्याचं रॉयल स्वीडिश अकॅडमीनं जाहीर केलंय. स्फटिकांमधील अणू , सममिती म्हणजे एकसमान व पुनरावृत्ती होणा-या रचनेच्या स्वरुपात बंदिस्त असतात असे वाटत होते. मात्र , हे अणू पुनरावृत्ती न होऊ शकणा-या रचनेमध्ये बंदिस्त करता येऊ शकतात, हे शेक्टमान यांनी सिद्ध करून दाखवले. सुरुवातीला त्यांच्या या संशोधनाला प्रचंड विरोध झाला. ते ज्या संशोधक चमूमध्ये काम करत होते, त्यातून त्यांची हकालपट्टीही करण्यात आली होती. पण शेक्टमान मागे हटले नाहीत.

बाबुराम भट्टराय यांची नेपाळचे नवे पंतप्रधान

माओवाद्यांचे व्हाईस चेअरमन बाबुराम
भट्टराय याची आज नेपाळचे नवे पंतप्रधान
म्हणून निवड झाली.

तराईच्या माधेसी अलायन्सने देशातील
राजकीय अशाश्वतता , अस्थिरता नष्ट
होण्याच्या दृष्टीने
माओवाद्यांना पाठिंबा दिल्याने
माओवाद्यांना पुन्हा सत्तेवर येणे शक्य झाले.
भट्टराय यांचे शिक्षण भारतात झाले आहे.

अमेरिकन पेन पुरस्कार २ भारतीयांना जाहीर

अमेरिकेतील मानाच्या ' पेन ' साहित्य पुरस्कारासाठी यंदा पुलित्झर विजेते लेखक सिद्धार्थ मुखर्जी आणि लेखक - पत्रकार मनू जोसेफ या दोन भारतीयांची निवड झाली आहे .

पेन अमेरिकन सेंटरतर्फे विविध १७ विभागांसाठी हे पुरस्कार घोषित करण्यात
आले . यंदापासूनच सुरू झालेल्या १० हजार अमेरिकन डॉलर्स रकमेच्या इ . ओ . विल्सन

लिटररी सायन्स रायटिंग अॅवॉर्डसाठी सिद्धार्थ मुखर्जी यांच्या ' द एम्परर ऑफ

मेलडीज ' ची निवड झाली तर मनू घोष यांच्या ' सीरियस मेन ' लाही पेन

पुरस्काराचा मान मिळाला.

भारतीय नौदलात रशियन पाणबुड्या दाखल होणार!

भारतीय नौदलात दाखल होणाऱ्या के-१५२ या रशियन पाणबुडीची चाचणी सध्या जपानच्या समुदात घेण्यात येत आहे.

अणूहल्ल्याची क्षमता असलेल्या या अकुला-टू

पाणबुड्यांची यशस्वी चाचणी पूर्ण होताच

दहा वर्षांच्या लीजवर त्या भारतीय नौदलात दाखल होतील.
रशियन नौदलातील
अधिकारी आणि पाणबुड्यांचे निर्माते तज्ज्ञ

यांच्या देखरेखीखाली या पाणबुड्यांची चाचणी सुरू

आहे. या चाचण्या पूर्ण
झाल्यानंतर सप्टेंबर-नोव्हेंबर या कालावधीत
भारतीय नौदलात त्या सामील होतील.

' नेर्फा'ने निर्माण केलेल्या या पाणबुड्यांविषयी भारताकडून तरी काहीही आक्षेप नोंदवले गेलेले नाहीत.

व्लॉडिवोस्टोक येथून

येणाऱ्या जहाजावरून या पाणबुड्या ऑगस्ट

महिन्यांच्या अखेरीस भारतीय नौदलाकडे

सुपूर्द केल्या जातील.

थायलंडच्या पंतप्रधान पदी यिँगलुक शिनावात्रा

यिंगलुक शिनावात्रा यांची थायलंडच्या पंतप्रधान म्हणून निवड निश्चित झाली आहे .

पंतप्रधानपदावर निवड झालेल्या ४४ वर्षांच्या यिंगलुक थायलंडच्या पहिल्या महिला असतील .
 थायलंडच्या २८ व्या पंतप्रधान म्हणून त्या शपथ घेतील .

त्यांची ' फिआ थाई पार्टी ' आणि सहकारी पक्षांनी कनिष्ठ सभागृहात तीन पंचमांश बहुमत मिळवत सत्ताधारी डेमोक्रॅट्सला खडे चारले .