' टाईमच्या ' जगातील कर्तृत्ववान पत्नींच्या यादीत झाशीची राणी लक्ष्मीबाईंना स्थान!

मेरी झाँसी नही दूँगी...
अशी गर्जना करत
इंग्रजांशी लढाईच्या मैदानात दोन
हात करणारी झांशीची राणी लक्ष्मीबाई
यांचा आंतरराष्ट्रीय प्रतिष्ठेच्या
'टाइम ' मॅगझिनने अनोखा गौरव
केला आहे.
आपल्या पतीच्या कर्तृत्वामागे
खंबीरपणे उभ्या राहणा-या ' टॉप १० '
पत्नींची यादी मॅगझिनने तयार
केली असून, त्यामध्ये
राणी लक्ष्मीबाईना मानाचे स्थान देण्यात आले आहे. टाइम मॅगझिनने जगातील टॉप १० पत्नींची यादी तयार केली आहे.
या यादीत राणी लक्ष्मीबाई
यांना आठवे स्थान मिळाले आहे.
अमेरिकेचे राष्ट्रपती बराक
ओबामा यांच्या पत्नी मिशेल ओबामा,
स्पेनची राणी इझाबेल
आणि इजिप्तची बहुचर्चित
राणी क्लिओपात्रा यांचाही यादीत
समावेश आहे.
टाइम मॅगझिनने राणी लक्ष्मीबाई
यांचा गौरव करता म्हटले आहे की, १९
व्या शतका एका सुखीसंपन्न कुटुंबात
आलेली लक्ष्मीबाई
झांशीची राणी बनली.
लक्ष्मीबाईंनी आपल्या बालवयातच
युद्धकलेचे धडे गिरवले होते.
१८५३ मध्ये वारस नसल्याचे कारण पुढे करत
ईस्ट इंडिया कंपनीने त्यांचे
झांशीचे साम्राज्य हडप केले.
या घटनेनंतर चार वर्षांनी ईस्ट इंडिया कंपनीच्या विरोधात
रक्तरंजित उठाव सुरू झाला.
राणी लक्ष्मीबाई यांनी या लढाईत उडी घेतली आणि अनेक लढायांमध्ये
बलाढ्य ईस्ट इंडिया कंपनीला पाणी पाजले.
इंग्रजांशी लढत असतानाच
घोड्याच्या पाठीवरच त्यांना वीरमरण
आले. त्यावेळी त्यांचे वय फक्त २२ वर्षांचे होते, असे टाइम मॅगझिनने
आवर्जुन नमूद केले आहे.
टाइम मॅगझिनमधील हा गौरवपूर्ण लेख
माजी विदेश राज्यमंत्री शशी थरूर
यांचे पुत्र ईशान थरूर
यांनी लिहिला आहे.

टॉप १० पत्नींच्या यादीत अमेरिकेचे माजी राष्ट्रपती फ्रँकलिन डी. रूझवेल्ट यांच्या पत्नी इलेनोर
रूझवेल्ट पहिल्या क्रमांकावर,
स्पेनची राणी दुस-या स्थानी तर जून
कार्टर कॅश यांना तिसरा क्रमांक देण्यात आला आहे.
इजिप्तची बहुचर्चित
महाराणी क्लिओपात्रा चौथ्या क्रमांकावर,
अलास्काच्या माजी गर्व्हनर साराह पालिन पाचव्या क्रमांकावर, इलेन
डी गेनेरेस
आणि पोर्सियो डी रोसी सहाव्या क्रमांकावर,
मिशेल ओबामा सातव्या क्रमांकावर,
बिल गेट्सची पत्नी मिलिंडा गेटस
नवव्या क्रमांकावर तर वादग्रस्त
गोल्फ खेळाडू टायगर वूड्स
यांची पत्नी इलिन नोरडेग्रेन
दहाव्या क्रमांकावर आहेत..